اشهر 30 كذبه عند الشباب .. الله يستر
السلام عليكم ورحمه الله وبركاته
مو كل الشباب يسوها معظمهم
هذى بعض كذبااااااات الشباب على البنات معذورين خفيفات عقوووول اتمنى انها تعجبكم
1- حبيبتي تدرين والله انا ما عندى حركات الشبااب .. ما كلم بنات .. اصلا ما حب هالحركات .
"امبيييين وانت كل بنات العالم يعرفونك "
2- ما دري حبيبتي احس اني اعرفج من زماااان
" لا يمكن ملخبط بينها وبين وحده كنت تعرفها اول ... يمكن في شبه "
3-حبيبتي احس انج غير عن كل البناااات احس انج مختلفه وغير عنهم
" ليش فوق راسها ريشه ولا من كوكب ثاني"
4- حبيبتي والله احس في اشياااء واااايد انا وانتى نتشابه فيها .. كاننا شخص واحد
" سبحان الله اخوها في الاسلام لازم يكون في شبه هاهاهاااي "
5- يا ريتني يا قلبي عرفتج من زمان
" معليش كان عندك زحمه "
6- حبيبتي انتي تامرين قلبي امر .. كل اللي تقولينه البيه
" ايه في الاحلام اكيييد "
7- حياتي ابيج تتغطين عشان ما احد يشوفك غيري لاني اغار
" لا ياا حراااااام الغيرة حرقت قلبك حررق "
8- ابي ايي اخطبج من اهلج بس بعد ما اكون نفسي
" عيل من تكووووووون هع هع بس صح ت**ر الخاطر فلوسك كلها على الموبايل والسيارة وعزايم ربعك ووو الخ "
9- يا قلبي ابي اشوفج باقرب وقت ما قدر على الشووووق اللي ذبحني
" يبي ربعه يتاكدون انها حلوة "
10- انا احب الشعر والقصايد ومن هواياتي الرسم والسباحة
" لا رومنسي الحبيب "
11- حبيبتي حطي في بالج ترى انا اذا احبيت حبيت من كل قلبي
" اقوووول بس اي قلب فيهم "
12- علاقتي فيج محد يدري فيها ابد لانها تعتبر من اهم خصوصيااتي
" بس عادي كل ربعه يعرفو .. لانهم مو اي احد "
13- شكلي حبيبتي راح اطق لي جاكوار من الوكاله
" اذا مو هوندا موديل 76 من الحراج "
14- احتمال اروح سويسرا الصيف الياااي
" ايه هين ..\ بس قولها التلفون مو جوال لانه ما يشتغل بره الديره "
15- كله اشترى عطوري من تناغرا
" الحمد لله والشكر "
16- لما اشوف رقمج على تلفوني قلبي يفز من مكانه
" اكيييييييد .. خايف تكون كشفت ملاعيبك "
17- فلان قال لي اعطيه رقمج .... بس انا قلت له اقتلني قبل ما تاخذ رقمها مني
" ها ها هااااي يا مضحي انت شجاع .. هذا اذا مو كل الشباب يعرفو رقمها المسكينه "
18- حبيبتي ابي صورتج اخليها عندي عشان قبل ما انام اشوفها واحطها تحت راسي وانام
" لا وانت الصاااااااادق عشان يوم ما تمل منهااا تهددهااا "
19- اسف حياتي امس ما اتصلت عليك بس كنت مشغول واااايد بالدراسة
" مبين يا نيوتن انت "
20- تدرين حبيبتي انا دايما البنات في المجمع يطلبون رقمي ... بس انا ما عطيهم انتى حبي
" ها ها هااي الترتيب الصحيح للجملة ...... دايما انا الحق البنات بس ما يعطوني رقمهم "
21-والله حبيبتى كان ودي ايي عالموعد اليوم بس صارت ظروف صعبة جدا وما قدر اييج
" ايه صح ؟؟ تذكر موعده مع رفيجته الثانية اللي واعدهاا 10 مرات وخلف وعده "
22- امس نمت .. طول الوقت افكر فيج .. اخذتي عقلي حبيبتي
" الا قصدك نمت وحلمت وشبعت نوووووم ولا تدري عنها اصلا "
23-انتى احلى بنت شفتها بحياتي ماظن القي احلى منك
" ليش متعرف على ملكة جمال الكون واحنا ما ندري ؟"
24- الظاهر بشترى لاب توب يديد. لاب توبي صار له شهرين معاي ولاب توب اخوي ما يعجبني والاب توب الثاني
ما تاقلمت معاااااااه
25- انا ما اضيف بنات عندي بالإيميل..بس انتي عطيني ايميلج وبضيفج..
"اقص ايدي اذا ما عنده ايميل خاص بس للبنات"
26-انا احبج من كل قلبي وراح اموت بدونج..
"إلا حاطها اسبير المسكينه"
27- لا تدقين على لمن اكون مع اهلي..
"خايف لا تشوفه خط ثاني waitting ! "
28-سوري ما دقيت عليج اسبوعين لان خطي مقطوع..
"الا مسكر خطك هذا وعندك رقم ثاني وتكلم وحده توك مرقمها"
29- حبيبتي على مكالمات وخطي راح ينقطع..
هه نغزه يعني دفعي مكالماتي.."
30-حياتي انا مشتاقلج حدي بس ما عندي رصيد..
"يقصد دقي علي ... واتلاقينه خاش رصيده حق رفيجاته الثانيين.."
لوووووووووووووووول
لا حد يزعل مني بس هذى بعض واشهر كذبه الشباب
السبت أكتوبر 03, 2009 10:51 pm
